Nisma ARSIS nëpërmjet Shërbimit të Strehimit Emergjent të Sigurt ka trajtuar rastin e tre fëmijëve. Pa kujdes prindëror dhe në kushtet e mungesës së shërbimeve, R.U., 11 vjeç, A.U., 14 vjeç dhe M.U 16 vjeç, u asistuan në një moment shumë të vështirë të jetës së tyre, kur nëna vuante probleme të shëndetit mendor, babai ishte përdorues alkoli dhe jetonin në kushte të papërshtatshme strehimi. Në bashkëpunim me strukturat lokale u kontaktuan prindërit të cilëve ju ofruan shërbime rehabilituese, ndërkohë që fëmijët u vendosën në qëndrën “Shtëpia e Ngjyrave”. Gjatë qendrimit në qendër fëmijët kanë kryer ekzaminime dhe analiza të specializuara si vlerësime të shëndetit mendor, dermatologjik dhe stomatologjik. Ata u përfshinë në aktivitete të ndryshme ditore; në ndjekjen e seancave psikologjike; në trajtimin me medikamente pas realizimit të konsultave përkatëse. Ky proces pati një ndikim të drejpërdrejtë pozitiv në shëndetin fizik dhe mirëqenien emocionale të tyre. “Gjatë gjithë kohës qaja dhe nuk mund të flija gjumë. Gjatë qëndrimit tim në qendër më është dhënë mundësia që të trajtoj dhëmbët dhe lëkurën. Tani mund të prek lëkurën time pa u skuqur dhe mund të ushqehem pa patur dhimbje” thotë R.U.Të gjithë këto shërbime tregojnë qartë panoramën e gjerë të shërbimeve për fëmijët e familjeve në nevojë për të arritur ndryshimin e dëshiruar dhe përmirësuar mënyrën e tyre të jetesës. Nisma ARSIS nëpërmjet këtij programi po ndikon në rritjen e ndërgjegjësimit të fëmijëve, familjeve, komunitetit dhe të gjithë institucioneve ku është shtrirë ndërhyrja për të kuptuar realisht nevojat, adresimin e tyre dhe krjimin e një qasje proaktive për fëmijët dhe familjet nga institucionet përgjegjëse kudo ato qofshin.
Falë bashkëpunimit midis Bashkisë Tiranë e Shkodër, shërbimeve sociale dhe Nisma ARSIS, një prej viktimave të mitura të shfrytëzimit me synim përfitimin, u evidentua, u trajtua dhe aktualisht po merr ndihmën e nevojshme për integrimin në shoqëri.
Rasti të miturit Deni, nga qyteti i Shkodrës, një prej viktimave të radhës të shfrytëzimit nëpër rrugët e qyteteve të ndryshme u pikas fillimisht nga skuadrat e terrenit të Bashkisë Tiranë. I paushqyer, me shenja abuzimi ne trup, i mituri u mor nën kujdes të menjëhershëm nga Shërbimi i Strehimit Emergjent të Sigurt, për të marrë të gjitha shërbimet e nevojshme, akomodim, strehim, kujdes shëndetësor ushqim, veshmbathje dhe mbi të gjitha trajtim psikologjik.
Adriani na i mbushi zemrat plot; më në fund ribashkim me prindërit!
Jo më larg se tre vite më parë, një çift në pritje të një fëmije, u përball me vështirësi të mëdha, duke patur ndarjen si zgjidhjen e vetme të momentit.
E mbetur e vetme dhe pa mbështetjen e partnerit dhe familjes, në pritje për t’u bërë nënë, Gerta vendosi që të ndërpriste kontaktet me këdo që i sugjeroi abortin e fëmijës së saj. E bindur për të sjellë në jetë foshnjen, Gerta nuk pati asnjë ndihmë ekonomike apo emocionale, të cilat sollën një gjendje të rënduar psikologjike dhe e shtynë të merrte vendimin për ta lënë Adrianin e sapolindur, përkohësisht në Shtëpinë e Foshnjes, në Shkodër.