| Projekti | Investim për Gratë në Bashkitë Durrës dhe Tiranë – Përmirësimi i aksesit në njohuri, aftësi dhe burime për zhvillimin e bizneseve (EN: Invest in Women in Durres and Tirana Municipalities – Enhancing access to knowledge, skills, and resources for business development) |
| Zonat e projektit | Durrës dhe Tiranë |
| Kohëzgjatja e projektit | 01 Shkurt 2025 – 31maj 2025 |
| Data e fillimit të kontratës | 28 Maj 2025 |
Nisma për Ndryshim Shoqëror ARSIS në kuadër të programeve dhe projekteve që do të zbatojë gjatë vitit 2025, shpall ofertën për Furnizimi me me metrazhe dhe materiale qendistarie për fuqizimin e rreth 30 gra nga shtresat e margjinalizuara në bashkitë Tiranë dhe Durrës, në kuadër të programit “Investim për Gratë në Bashkitë Durrës dhe Tiranë – Përmirësimi i aksesit në njohuri, aftësi dhe burime për zhvillimin e bizneseve” i financuar nga UN Women.
Rreth Nisma ARSIS
Nisma për Ndryshim Shoqëror ARSIS (shkurtimisht Nisma ARSIS) është një organizatë jofitimprurëse e cila është themeluar në shkurt të vitit 2016. Nisma ARSIS është një aktor jo qeveritar me influencë në sektorin e shoqërisë civile në Shqipëri.
Mision i Nisma ARSIS është të ofrojë shërbime dhe zgjidhje të qëndrueshme për individë dhe grupet më të margjinalizuara në shoqërinë shqiptare me theks të veçantë në komunitetet Rome dhe Egjiptiane. Nisma ARSIS advokon dhe lobon në nivel lokal dhe qëndror mbi çështjet e mbrojtjes së fëmijëve dhe të rinjve, zhvillimit dhe pjesëmarrjes, përmirësimit të kushteve social-ekonomike të familjeve të tyre dhe fuqizimit të kapaciteteve të shërbim ofruesve, organizatave jofitimprurëse, profesionistëve dhe aktorëve të tjerë të cilët punojnë me fëmijët në situatë vulnerabël.
Përshkrimi i Projektit
Projekti zbatohet në bashkitë Durrës dhe Tiranë, në kuadër të programit “Investim për Gratë në Bashkitë Durrës dhe Tiranë – Përmirësimi i aksesit në njohuri, aftësi dhe burime për zhvillimin e bizneseve”, i financuar nga UN Women. Qëllimi i projektit është fuqizimi ekonomik i rreth 30 grave nga shtresat e margjinalizuara në këto dy bashki.
Nisma për Ndryshim Shoqëror ARSIS, në partneritet me Qendrën Balance si pjesë e ekipit të projektit, do të zbatojë metodologjinë CEFE me grupin e përfituesve të identifikuar. Së bashku, do të implementojnë një program të strukturuar për ndërtimin e kapaciteteve, i cili synon t’u ofrojë grave njohuritë, aftësitë dhe mbështetjen e nevojshme për të përmirësuar pozicionin e tyre ekonomik.
Nisma ARSIS do të udhëheqë procesin e identifikimit, informimit dhe përfshirjes së përfituesve, duke garantuar një proces përzgjedhjeje gjithëpërfshirës që vendos në fokus gratë nga grupet më të cenueshme, në përputhje me objektivat e përgjithshme të UN Women.
Termat e thirrjes
Janë të ftuar të gjithë bizneset, kompanitë apo individët e licensuar dhe të interesuar për të paraqitur ofertën e tyre financiare, për t’u bërë pjesë e procesit të tenderimit. (klikoni në dokumentet më poshtë për të gjetur Kërkesë Ofertën dhe “Praktikat e mira të biznesit”).
Kërkesat për paisjet dhe materiale parukeri estetike :
Specifikime e materialeve dhe paisjeve:
a) Materiale metrazhi (tekstile dhe pëlhura)
- Copë pambuk e hollë (basme): 5 m në total – 2 ngjyra (e hapur & e errët), e përshtatshme për punime të lehta artizanale.
- Copë pambuk e mesme (doku): 5 m në total – ngjyrë e hapur & ngjyrë e errët, përdorim për rroba ose trajnim teknik.
- Copë trikotazh: 5 m në total – ngjyrë e hapur & ngjyrë e errët, elastik dhe i përshtatshëm për bluza ose rroba të thjeshta.
- Copë kundraujit: 5 m pëlhurë plastike ose teknike për produkte të papërshkueshme nga uji.
- Tyll për dekorim dhe veshje: Shirit tyl në 3 ngjyra – e bardhë, e kuqe dhe e zezë (3 rrotulla gjithsej).
b) Materiale dhe aksesorë për qëndistari dhe qepje
- Tambura për qëndistari: Druri/plastike, përmasa të ndryshme
- Fije qëndistarie (DMC ose ekuivalente): Shumëngjyrëshe
- Fije qepjeje (penjë): Rrotulla 50 m – 9 copë me ngjyra të ndryshme
- Gjilpëra dore: 1 pako me përmasa të ndryshme
- Gjilpëra makine për copë të hollë: 1 pako
- Gjilpëra makine për copë të trashë: 1 pako
- Gjilpëra me kokë (për përforcim, matje, punime me dorë): 1 pako
- Gishtëza (mbrojtëse gishti për qepje): 1 pako
- Sapun shkrues: 1 pako (përdorim për shënjime në tekstil)
- Shkumës tekstili: 1 pako (ngjyra të ndryshme)
c) Aksesorë tekstili dhe ndihmës
- Kopsa: Madhësi dhe forma të ndryshme për përdorim të përgjithshëm
- Susta: 3 pako (madhësi të përziera: e vogël, mesme, e madhe)
- Shirit ngjitës (Grifsha): 1 rrotull
- Fjongo shirit dekorativ: 3 rrotulla – e bardhë, e kuqe, e zezë
- Llastik (për rroba, çanta, etj.): 3 rrotulla – e bardhë, e kuqe, e zezë
- Zinxhirë: 10 copë me madhësi të ndryshme dhe ngjyra neutrale
d) Vegla pune dhe matëse
- Metër shirit (1.50 m): 1 copë
- Vizore druri njëmetroshe: 1 copë
- Vizore trekëndore druri: 1 copë
- Raportor plastik: 1 copë
- Kurbalinjë për modelim: 1 copë
- Gërshërë për material të hollë: 1 copë
- Gërshërë për material të trashë: 1 copë
- Gërshërë pastruese (zigzag ose për prerje të detajuar): 1 copë
e) Organizim dhe pajisje ndihmëse
- Kuti organizimi plastike 61x41x27 cm: 5 copë
- Varëse rrobash: 10 copë (plastike ose inoks)
Kushtet e furnizimit:
- Të ofrohen sasi të mjaftueshme për të përmbushur nevojat e porositesit.
- Të sigurohet transporti dhe dorëzimi dhe montimin (në rastet kur është e nevojshme) në vendndodhjen e përcaktuar.
- Eksperienca në furnizime të ngjashme
- Cilësia e produkteve dhe garancia (kur aplikohet)
Ofertuesi duhet të dorëzojë:
- Çmimi i ofruar duhet të jetë me të gjitha taksat e përfshira dhe duhet të vendoset përbri shërbimit respektiv, në rubrikën e “çmimit/ njësi”;
- Në rast se përveç çmimit të ofruar, ofruesi i shërbimit aplikon edhe % zbritje, atëherë ajo duhet të deklarohet në ofertë;
- Nënshkrimi i dokumentit – Praktikat e mira të biznesit
- Çertifikatën e regjistrimit të subjektit në QKB/NIPT;
- Ekstraktin Historik të Regjistrimit në QKB;
- Katalogë me produktet e ofruara me ofertat përkatëse;
- Transporti i produkteve në adresën e përcaktuar më parë duhet të merret përsipër nga fituesi (për disa nga shërbimet);
Politikat e Mbrojtjes së Fëmijëve: Të gjithë personat që punojnë me programet e Nisma ARSIS apo të kontaktuar si subjekte shërbim ofruese janë të detyruar të respektojnë politikat e mbrojtjes së fëmijëve, politikat e mbrojtjes nga abuzimi dhe shfrytëzimi seksual, rregulloren e brendshme të Nisma ARSIS, kodin e sjelljes, Legjislacionin e plotë për Mbrojtjen e Fëmijëve si dhe çdo dokument tjetër për të cilin duhet të ketë dijeni.
Procedura e Aplikimit:
Afati i paraqitjes së ofertës financiare duhet të jetë jo më vonë se data 26 Maj 2025, ora 16:00.
Oferta duhet të paraqitet në formen e mëposhtme:
- Të dorëzohet në zarf të mbyllur, në formë të printuar, firmosur nga një person i autorizuar, në adresën: Rruga Sali Butka, Pallati T.B.M, Shkalla 2, Ap.1, Tiranë, KP 1023. Në zarf duhet të shënohet “Ofertë financiare për shërbime/produkte”.
Ofertat e dorëzuara pa çmime të specifikuara, pa dokumentat e kërkuara më lart si dhe jashtë afatit të përcaktuar nuk do të merren parasysh.
Nisma ARSIS do të përzgjedhë furnizuesin që i përshtatet më së miri nevojave të saj bazuar në kriterin “cilësia më e mirë në para dhe kohë”.
Kjo thirrje për ofertë financiare nuk e detyron Nisma ARSIS të lidhë kontratë për shërbimin/produktet e listuara sipas kësaj thirrje. Për çdo informacion të mëtejshëm mund të na kontaktoni në tel +355 (0) 698233113, ose e-mail: info@nisma-arsis.org.
