| Pozicioni i punës | Ekspert per Shërbime Profesionale Fotografie dhe Ilustrimi Vizual për Manualin e Praktikave të Mira (Good Practice Handbook) |
| Projekti | Këshillim i integruar për zhvillimin dhe fuqizimin në punësim në bashkinë Korçë |
| Zona e projektit | Bashkia Korçë |
| Data e mundshme e fillimit të punës | Janar 2026 |
| Lloji i kontratës | Kontratë shërbimi |
Nisma për Ndryshim Shoqëror ARSIS kërkon të kontraktojë një ekspert për Shërbime Profesionale Fotografie dhe Ilustrimi Vizual për Manualin e Praktikave të Mira (Good Practice Handbook), në kuadër të projektit “Këshillim i integruar për zhvillimin dhe fuqizimin në punësim në bashkinë Korçë”, zbatuar nga Nisma ARSIS në kuadër të thirrjes për nëngrante nga UNDP për programin EU4LMI, financuar nga Bashkimi Europian.
Për të rritur cilësinë, qartësinë dhe vlerën komunikuese të këtij manuali, është e nevojshme mbështetja e tij me materiale vizuale profesionale, përfshirë fotografi dhe ilustrime që dokumentojnë përfituesit, aktorët e përfshirë dhe aktivitetet kryesore të projektit.
Rreth Nisma për Ndryshim Shoqëror ARSIS
Nisma për Ndryshim Shoqëror ARSIS (shkurtimisht NISMA ARSIS) është një organizatë jofitimprurëse, e cila është themeluar në shkurt të vitit 2016. NISMA ARSIS është një aktor jo qeveritar me influencë në sektorin e shoqërisë civile në Shqipëri.
Mision i NISMA ARSIS është angazhimi për avancimin e të drejtave të fëmijëve, të rinjve dhe familjarëve të tyre që përballen me vulnerabilitet, duke ofruar shërbime gjithëpërfshirëse dhe duke lehtësuar integrimin me dinjitet të tyre në shoqëri. NISMA ARSIS advokon dhe lobon në nivel lokal dhe qëndror mbi çështjet e mbrojtjes së fëmijëve dhe të rinjve, zhvillimit dhe pjesëmarrjes, përmirësimit të kushteve social ekonomike të familjeve të tyre dhe fuqizimit të kapaciteteve të shërbim ofruesve, organizatave jofitimprurëse, profesionistëve dhe aktorëve të tjerë të cilët punojnë me fëmijët në situatë vulnerabël.
Përshkrimi i Projektit
Projekti “Këshillimi i Integruar për Zhvillimin dhe Fuqizimin në Punësim në Bashkinë Korçë” synon të krijojë dhe zbatojë në mënyrë efektive modelin e Këshillimit Intensiv për Punësim në Bashkinë Korçë, duke mbështetur 80 persona në situatë vulnerabël në kërkimin e punës dhe përfshirjen e tyre në tregun e punës. Gjatë një periudhe 12-mujore (Janar – Dhjetor 2025), projekti do të ofrojë këshillim të personalizuar për punësim për individë që përballen me barriera të mëdha në punësim, duke përfshirë të rinjtë (15-29 vjeç), nënat e reja të papuna dhe përfituesit e skemave të ndihmës sociale. Duke përshtatur manualin “Këshillim për punësim” me nevojat lokale, projekti do të ofrojë udhëzime të strukturuara, zhvillim aftësish dhe mbështetje për punësim, duke siguruar që pjesëmarrësit të pajisen me mjetet e nevojshme për të gjetur punësim domethënës.
Projekti do të zbatojë një program gjashtëmujor këshillimi intensiv, i ndjekur nga mundësi praktike dhe trajnime profesionale për pjesëmarrësit e përzgjedhur. Gjithashtu, do të angazhojë aktorët lokalë në
diskutime mbi rëndësinë e këshillimit intensiv si një mjet efektiv për integrimin në tregun e punës. Aktivitetet kryesore përfshijnë një takim hapës me aktorët relevantë, ofrimin e këshillimit të drejtpërdrejtë për punësim, lehtësimin e praktikave dhe një event përmbyllës për të prezantuar rezultatet e projektit. Në përfundim, tregu i punës në Korçë do të jetë më i përgatitur për të mbështetur punëkërkuesit në situatë vulnerabël, duke nxitur përfshirjen ekonomike dhe rrugët e qëndrueshme të punësimit.
Qëllimi i këtij angazhimi është kontraktimi i një shërbimi profesional fotografie dhe ilustrimi vizual, me synim:
– Dokumentimin vizual të përfituesve, palëve të interesit dhe aktiviteteve të projektit; – Mbështetjen e Manualit të Praktikave të Mira me evidencë vizuale cilësore; – Rritjen e vlerës së transferimit të njohurive përmes materialeve vizuale të strukturuara dhe etike; – Përmirësimin e kapacitetit të manualit për komunikim, shpërndarje dhe përdorim publik.
Nën mbështetjen dhe supervizimin e plotë të ekipit koordinues të programit, eksperti, do të ketë këto përgjegjësi:
– Planifikimin dhe realizimin e sesioneve profesionale fotografike gjatë aktiviteteve të projektit; – Dokumentimin vizual të përfituesve, stafit të projektit dhe aktorëve institucionalë/komunitarë të përfshirë;
– Sigurimin e fotografive që pasqyrojnë proceset, ndërveprimin dhe ndikimin e projektit; – Përgatitjen e ilustrimeve vizuale që mbështesin përmbajtjen narrative të Manualit të Praktikave të Mira;
– Respektimin e standardeve etike, përfshirë pëlqimin e informuar, mbrojtjen e dinjitetit dhe privatësisë së përfituesve;
– Dorëzimin e materialeve vizuale të përpunuara profesionalisht dhe të gatshme për përdorim në botime..
Eksperti do të dorëzojnë produktet e mëposhtme:
– Set fotografish profesionale që dokumentojnë përfituesit, palët e interesit dhe aktivitetet kryesore të projektit;
– Ilustrime vizuale për përdorim në Manualin e Praktikave të Mira;
– Materiale vizuale të edituara dhe në format të përshtatshëm për botim dhe shpërndarje (print dhe digital).
Kualifikimet dhe Eksperienca e Kërkuar
– Përvojë të provuar në fotografi profesionale dhe dokumentare;
– Eksperiencë në dokumentimin e projekteve sociale, zhvillimore ose komunitare; – Njohuri mbi standardet etike për fotografimin e përfituesve dhe grupeve të cenueshme; – Aftësi për të prodhuar materiale vizuale me vlerë narrative dhe komunikuese.Aftësi të shkëlqyera
në monitorim, raportim dhe vlerësim të performancës së programit dhe përfituesve. – Aftësi shumë të mira komunikimi dhe ndërveprimi me grupet e interesit.
Politikat e Mbrojtjes së Fëmijëve: Të gjithë personat që punojnë me programet e Nisma ARSIS janë të detyruar të respektojnë politikat e mbrojtjes së fëmijëve, politikat e mbrojtjes nga abuzimi dhe shfrytëzimi seksual, rregulloren e brendshme të Nisma ARSIS, kodin e sjelljes, Legjislacionin e plotë për Mbrojtjen e Fëmijëve si dhe çdo dokument tjetër për të cilin duhet të ketë dijeni.
Procedura e aplikimit:
Personat e interesuar duhet të dergojnë së bashku me kërkesën për aplikim në email ose me postë edhe dokumentat si më poshtë:
– një kopje të jetëshkrimit professional (CV)
– një letër interesi
brenda dates 10 janar 2026 në info@nisma-arsis.org , ose në adresën: Rruga “Sali Butka”, Pallati T.B.M, Shkalla 2, Apartamenti 1, Kati 1,Njësia Bashkiake Nr.7, PC 1023, Tirana Albania.
Ju lutemi, në vemendjen tuaj që:
– në subjekt të emailit ose zarfit ku dërgohet aplikimi të vendoset: Aplikim për Ekspert për Shërbime Profesionale Fotografie dhe Ilustrimi Vizual në bashkinë Korçë
– vetëm personat e përzgjedhur për intervistë do të kontaktohen.
3
